عيادة د / أدهم للتحليل الشخصى !

صباح الخير
ايون !!
اتفضل من هنا
استريح بقى على الشزلونج ده
تماااااااااام
ركز بقى معايا كده و غمض عينيك
عايزك تجاوب على كل الاسئلة بصراحه
بس حاسب !
اياك تفوت اى سؤال منهم
اوك ؟!
نبتدى بقى كده بالصلاتو على النبى
هاهاهاااا

......................................

بتحب انهى لون ؟

بتحب الصبح ولا بليل ؟

تعيش فى الريف ولا المدينه ولا الصحرا ولا الغابه ؟

لو اتحولت حيوان تتحول ايه ؟

ملحوظة ! : بص يا باشا لو مش عاجيك السؤال ده يعنى , ممكن نخليه :ايه اكتر حيوان بتحبه ؟ . خلى بالك مش ضرورى حيوانات بس يعنى .... ممكن تكون حشرات او حيوانات بحريه او طيور مثلا ! .

بتحب انهى فصل من فصول السنه ؟

بتحب انهى جو ؟

ملحوظة ! : هنا انا اقصد يعنى : الجو المشمس و لا المطر ولا الرعد و البرق ..... إلخ , اوصفلى باظبط يعنى !! .

لو روحت مدرسه جديده تقدر تتعرف كل اللى فى فصلك فى قد ايه؟ طب تقدر تتعرف على كل اللى فى دفعتك فى قد ايه ؟

مممممم .... ! , لو ما بتروحش المدرسه و بتروح الجامعه تقدر تتعرف على كام واحد فى اسبوع بقى يا باشا ؟!

فرضا بقى ما بتروحش المدرسه ولا الجامعه و بتروح الشغل , لو روحت شغل جديد تقدر تتعرف على كام واحد فى شغلك الجديد فى اسبوع ؟

ملحوظة ! : بص بقى كده يا جميل التلت اسإله اللى فوق دول انت تختار واحد منهم بس , حسب اللى يناسبك يعنى ان كنت بتروح مدرسه او جامعه او شغل !! .

تخيل معايا كده بقى كوبايه ! , الكوبايه دى فيها شوية ميه ضغننين .... يا ترى من وجهة نظرك الكوبايه دى فاضيه ولا مليانه ولا مليانه بس مش اوى ؟!!

تخيل معايا كده تانى معلش ! , دلوقتى انت فى شقه لوحدك , الشقه دى بقى فيها كل اللى تتخيله من كمبيوتر و نت و بلاى ستيشن 3 و MP3 و MP4 و Ipod و سرير مريح و كتب كتيييييييير و حمام و تلاجه فيها كل الاكل اللى بتحبه و تلفزيون فيه 12452354 قناه ....... إلخ بس مش مترتبه ! , قولى بقى كده يا سيدى ايه اول حاجه هاتعملها ؟ طب هاتعمل ايه بعد كده ؟ طب هاتعمل ايه كمان بعدهم ؟؟

اخيرا بقى يا جميل , لما بتسرح كده بترسم ايه دايما ؟

ملحوظة ! : ممكن تكون بترسم عين او عين نازل منها دموع او بتكتب اسمك او اسماء ناس تعرفهم او اسماء ناس ماتعرفهاش ... إلخ , المهم تحددلى بالظبط .... ماشى يا جميل ؟

......................................

كده تماااام
و عال العال
الف شكر ليك يا باشا
عدى عليا كده بعد سنتين تلاته كده !
هاهاهاااااا
عدى عليا بعد يومين تلاته كده
على شان تستلم الروشتة بتاعتك يا قمر
تسلملى يا جميل
باى باى

بتحب انهى لون ؟

الموف

بتحب الصبح ولا بليل ؟

الليل

تعيش فى الريف ولا المدينه ولا الصحرا ولا الغابه ؟

المدينه

لو اتحولت حيوان تتحول ايه ؟

القطه

بتحب انهى فصل من فصول السنه ؟

الربيع

بتحب انهى جو ؟
المشمش
فرضا بقى ما بتروحش المدرسه ولا الجامعه و بتروح الشغل , لو روحت شغل جديد تقدر تتعرف على كام واحد فى شغلك الجديد فى اسبوع ؟
على شخص واحد
تخيل معايا كده بقى كوبايه ! , الكوبايه دى فيها شوية ميه ضغننين .... يا ترى من وجهة نظرك الكوبايه دى فاضيه ولا مليانه ولا مليانه بس مش اوى ؟!!

مليانه
تخيل معايا كده تانى معلش ! , دلوقتى انت فى شقه لوحدك , الشقه دى بقى فيها كل اللى تتخيله من كمبيوتر و نت و بلاى ستيشن 3 و MP3 و MP4 و Ipod و سرير مريح و كتب كتيييييييير و حمام و تلاجه فيها كل الاكل اللى بتحبه و تلفزيون فيه 12452354 قناه ....... إلخ , قولى بقى كده يا سيدى ايه اول حاجه هاتعملها ؟ طب هاتعمل ايه بعد كده ؟ طب هاتعمل ايه كمان بعدهم ؟؟

اولا النت وبعدين الاكل وبعدين النوم

لما بتسرح كده بترسم ايه دايما ؟
مربعات

hanan

منوره يا جميل العياده و المستشفى كلها

يالا بينى بقى

نبتدى مع اول العيانين هنا

اتفضلى يا جميل

الروشتة بتاعتك اهه :

الروشتة

إنسانه عصبيه ولكنك بالرغم من ذلك تتحكمين فى اعصابك جيدا . تعشقين الهدوء و السكون بما يجلبانه معهما من راحه للبال و الجسد و نسمات رقيقه بارده منعشة تجدد النشاط و الحيوية . تتخذيم من الليل بما يوفره معه من جو ملائم للتفكير ملاذا لكى لكى تفكرى فى امر ما او مشغله تشغلك بالك و عقلك و تفكيرك . واضحه و صريه , تعشقين التوسط و الاعتدال و تطبقينهما دائما فى حياتك العمليه . خفيفة الخطى , حذره فى تصرفاتك , كما انك محبوبه جدا من قبل الجميع . إنسانه غير إجتماعيه . ولكنك بارغم من ذلك متفائله جدا جدا وإيجابية الطباع و قنوعه جدا بما معك و بين يديك . تهتمين بصحتك و مظهرك إهتماما شديدا , كما انك تحبين الاسترخاء الاستجمام . فى الفتره الاخيره ربما تكون تعرضت حياتك لبعض التغييرات التى اثرت فيها !!! .

تسلميلى يا جميل على المرور و الرد الحلوين اوى

الف شك ليكى يا جميل