دروس فى الرخامه

ازاى تبقى رخم؟؟؟؟.....

يعنى اغلس عباد الله وبارد لدرجة التجمد؟؟؟ بص ياسيدى.....

قول نكته طويله و لما تيجى عند آخر سطر و هو السطر المهم اللى فيه الأفيه و أعمل نفسك نسيته ، ولو حد غلس قوله : و الله كانت نكته جامده بس الظاهر أنى نسيتها .

· هات بخاخه مطهر ديتول و أمشى ورا شخص ما فى اى حته ، و كل ما الشخص ده يمسك حاجه و يسيبها ... تروح راششها بالمطهر على طول .
· و أنت بتتكلم فى موضوع أقطع كلامك و أدى انطباع أنك هاتكمل ... و ماتكملش ..."بس خلاص كده " .

· لما حد يشكى لك من حاجه قوله أنا عندى مشاكل أكتر منك .

· فى مطعم .. بص للشخص اللى قاعد على ترابيزه جنبك و أنت ماسك لقمه فى ايدك و قوله "ممكن الطحينه بتاعتك ثوانى" ؟ .

· كل ما حد يقولك حاجه عيدها بصيغه سؤال ، مثلا هايقولك "مش أنا اتجوزت" قوله "أتجوزت؟!" هايقولك "اه الشهر اللى فات" قوله " الشهر اللى فات؟!" ..... و هكذا .

· و أنت واقف بتتكلم مع حد برق عينيك فجأه و أسأله "سمعت؟!" هيسألك "سمعت ايه؟!" قوله ولا حاجه ... خلاص راحت .

· بعد عشر دقايق ، اعمل نفس الحركه تانى .

· و انت بتتكلم مع شخص ما ، ماتبصش فى وشه أبدا .

· و انت بتتكلم مع شخص ما ، افضل مركز فى وشه اوى .

· علق فانوس كبير فى الشارع و حبال زينه ، بشرط ميكونش فى رمضان !!! .

· أستلف قلم من حد ، وحط القلم فى بقك ، و أعمل نفسك بتفكر و منهمك و أنت عمال تعضعض فى القلم !!! .

· فى المترو امضغ لبانه بصوت عالى و انت واقف جنب حد بيقرا مجله او جرنان ، و أنت بتقرا معاه طبعا .

· اعزم ناس فى حفلات ناس تانيه "عيد ميلاد او خطوبه او فرح ..." .

· سيب اشاره العربيه الشمال شغاله لمده 5 كيلو متر من غير ماتلف .. و بعدين اطفيها فجأه و كمل طوالى !!! .

· أول ماتشوف كيس كاتشب واقع عالأرض دوس عليه برجلك جامد و قول للى معاك "أنا كنت بشوفه فاضى و لا مليان" !!! .

· فى حفله عيد ميلادك أطلب من ال D.jأنو يشغل أغنيه بعينها 18 مره ورا بعض .. "أنا بحب الأغنيه دى اوى يا جماعة" !! .

· لو واقف جنب حد بيعد فلوس و فى وسط ما هوا بيعد قول اى رقم عشوائى "862" .

· العب فى الوان التليفزيون لحد ما الصوره تبقى بنفسجى ، وتبقى الناس كلها لونها بنفسجى ، و اعزم اصحابك عالماتش عندك فى البيت .. و لو حد اعترض ، قوله "أنا شايف ان ده لون الحياه الحقيقى" !!! .

· و أنت ماشى فى حته اى حاجه تقابلك طبل عليها .

· غير القناه قبل نهايه الفيلم او الماتش او المسلسل بخمس دقايق .·

أضحك لواحده ماتعرفهاش فى الشارع وقولها بصوت عالى " ازيك .. عامله ايه؟

حرام عليكي يا نونا
بدل ما تعلميها الرخامه
علميهم حاجه تنفعهم
ههههههههههههه
بس انا اول مره اعرف الرخامه رخمه كده
هههههههههههههههههههههه