البيض الاسباني

المقادير
جبنه ديمكس او بيضا او قريش و لكن يفضل الديمكس
طماطم شرايح او مكعبات
فلفل رومي شرايح
زيتون اسود شرايح
جبنه تركي مبشوره
بيضه
رغيف عيش بلدي
سمنه
طاسه
ملح و فلفل
بوتاجاز
الطريقه
تقطعي الرغيف بالعرض بحيث انه يبقي وش وضهر
تحطي نص معلقه سمنه و تدعكي بيها الطاسه و ضهر الرغيف من بره و تسيبيه جواه
افردي الجبنه الديمكس علي الضهر من جوا بحيث انك تغطيه كله
اكسري البيضه في طبق جانبي و ربيها لغايه ما تبقي اومليت و حطيها عالجبنه الديمكس بس سيبي حبه صغيرين اوي حنحتاجهم
بعد كده حطي الطماطم و الفلفل الرومي و الجبنه التركي علي البضه ووزعيهم بالتساوي
هاتي وش الرغيف(فاكراه؟؟؟)و قبل ما تغطي بيع حطي شويه بيض عالوش بتاعه عشان يحمر و سمنه علي الوش بتاعه
غطي الضهر بالوش و استخدمي باقي البيض انك تحكمي غلق الاطراف
بعدها تغطي الطاه و تسيبيها علي نار هاديه
عشر دقايق او اقل هتسمعي صوت السمنه بتقدح اصبري شويه لغايه متلاقي الضهر بقي ناشف اقلبيه عالوش بنتاعه
و بعد كده اما و كما يستوي حطيه في طبق و بالهنا و الشفا
يصلح كفطار او لو استخدمتي اللحمه المسلوقه ممكن يبقي غدا سريع